Көкек тұқымдасы

Көкек тұқымдасы

Көкек тұқымдасы - көкек отрядының бір тобы. 34 туысқа бөлінетін 130 – дай түрі бар. Қауырсыны айқын түсті емес, аяқтары 4 саусақты (екі – екіден қарама – қарсы біткен), ағаш басында жүруге бейім. Көкек тұқымдасының көпшілігі тіршілігін ағаш, бұта басында, кейбір түрі жерде жүріп, жерге ұялайды. Көбі моногамды құстар, бұндай түрлері жұптасып, ұя жасап, балапан басады, ал полигамды түрі алапан баспайды, жұмыртқасын басқа құстың ұясына салады. Бұндай түрлерінің жұмыртқалары ұсақ әрі ұя иесі жұмыртқасына ұқсас келеді. Көкек тұқымдасына жататын құстардың жемі жәндіктермен олардың жұмыртқалары, кейде өрмекшілер, кейбір түрі (әсіресе тропиктегілері) құс жұмыртқасын, балапанын, қос мекенділерді, бауырымен жоғалаушыларды және ұқсас сүт қоректілерді жейді. Көкек тұқымдасы Арктика мен Антарктикадан басқа жердің бәріне таралған. Көкек тұқымдасы орманның зиянды жәндіктерін жеп пайда келтіреді.