Көктем (Мәмбеев)
«Көктем» — Сабыр Мәмбеевтің 1964 жылы салған суреті.
|
|
| Сабыр Мәмбеев |
| Көктем, 1964 |
| кенеп пен майлы бояу. 70×150 см |
| Ә. Қастеев атындағы өнер мұражайы |
Бұл пейзаждағы ашық және қара дақты түстердің қозғалысы мен статикасы жасыл алқаптың нәзіктігі мен күміс шөптердің фактурасын беріп қана қоймай, дала сұлулығына деген ұстанымды махаббатын кенеп бетіне түсіреді.[1]
Аспанмен тірескен биік таулар, оның етегіндегі бір шоқ ағаштың түбінде әңгімелесіп отырған ер мен әйел...оның бергі жағындағы үш жылқы тұр қаңтарылып, оның біреуі – құлынды бие. Кішкентай құлын енесін еміп, рахатқа батып тұр... Осы көріністің өзі адамды әсерлі сезімге бөлеп, бүгінде алыс қалған ауылыңды сағындырады.[2]
Картинада адамдар мен табиғаттың тек лирикалық күйі ғана емес, сонымен қатар суретшінің рухани ерекшеліктерін байқататын ой-сезімдері де көрінеді. Түс реңдерінің өзгеруі көк шөптің нәзіктігі мен күмістей тазалығын көз алдымызға әкеледі.[3]
Дереккөздер
өңдеу- ↑ Клара Исабаева. Сабыр Мәмбеев – ел есінде Мұрағатталған 1 наурыздың 2024 жылы. — «Өнер», 07.08.2017.
- ↑ Ұлттық болмысты бедерлеген — «Егемен Қазақстан», 19.01.2022.
- ↑ Барманқұлова Б. Сабыр Мәмбеев. Каталог. - А: «Ruan», 2013. - 176 б. дәйексөз Мұрағатталған 1 наурыздың 2024 жылы.