Көнте

Көнте (синонимдері: кемер белбеу, деңмент) — қазақтың сәндік белбеуі. Оны малдың берік жон терісінен немесе аң терілерінен істейді. Көнтені қазақта "күдері белбеу" деп те атайды. Көнте жуан, қалың жалпақ белдік, қарапайым тіршілікте буынып жүреді. Сәнденген құймаланған көнтені мансапты, лауазымды адамдар да буынады. Көнте-белбеудің ең сапалы, асыл түрі, неше түрлі көзі, бағдары, әлеміші бар күмістеген белбеу, күмістеген бағдарлы ботаның көзіне ұқсас.

Деңмент (→деңбет) - күміс жапқан белбеу. Бұл да жергілікті сөйлеу тілінде қолданылады. Атырау, Маңғыстау облыстарында дегмент - әрі белбеу, әрі қылыш, оның бір түрі бұрама деңбет деп аталады. Атырау төңірегінде деңмент - күміс жапқан белбеу түрі: жалпақтығы төрт елі барқытқа күмістен ою орнатып жасаған белбеу ,алтынмен әшекейленген, алтын жапқан белбеуді сары ала деңмент деп атаған.