Көпбосын Панзабеков

Көпбосын Панзабеков - 1936 жылы Түркістан облысындағы Төле би ауданында туған. 1959 жылы Шымкент Мемлекеттік педагогикалық институтын қазақ тілі мен әдебиеті және орыс тілі мен әдебиеті мамандығы бойынша тамамдаған. Әр жылдар да республикалық комсомол және совет органдарында, Төле би ауданы, Шымкент пен Алматы қалаларында мұғалім, мектеп директоры және аудандық оқу бөлімінің меңгерушісі, Оқу министрлігінің оқу теледидар кабинетінің методисі, Ы.Алтынсарин атындағы педагогикалық ғылымдар ғылыми-зерттеу институтының аға ғылыми қызметкері, Қазақ ССР Ғылым академиясы М. Әуезов атындағы Әдебиет және өнер институтының ғылыми қызметкері, республика Министрлер Советі жанындағы Дін істері жөніндегі Совет Уәкілінің аға нұсқаушысы болып қызмет еткен. «Қазақ мектептеріндегі орыс тілі мен әдебиеті» журналының редакторы, Қазақ мемлекеттік басқару академиясының аға оқытушысы, Бизнес және құқық жоғары мектебінің доценті болған. Халықаралық Мұстафа Шоқай қоғамдық қорының вице-президенті және осы қордың жанынан шыққан «Жас Түркістан» журналының редакторы қызметтерін атқарған. «Жылдар мен ойлар», «Годы и раздумья» сияқты жыр жинақтарының авторы.