Көп шөмішті экскаватор

Көп шөмішті экскаватор — үзіліссіз жұмыс істейтін, тұйықталған шынжырға (шынжырлы экскаватор) немесе роторлы доңғалаққа (роторлы экскаватор) орнатылған көп шөміштері бар жер қазатын машина. Оның рельспен жүретін, шынжыр табанды, адымдайтын түрлері бар.

К. ш. э. біртектес және біршама жұмсақ жыныстарды қазуға және тиеуге пайдаланылады.

К. ш. э-лардың жұмыс элементтерінің барлығы (қазу, кен массасын түсіретін орнына тасымалдау және оны көлік құралына немесе үйіндіге түсіру) бір мезгілде жүзеге асырылады. Ашық кен қазуда, негізінен, шынжырлы және роторлы

К. ш. э-лар қолданылады.

Роторлы және шынжырлы К. ш. э-лардың тиімділігі мынада: ол өзі тұрған деңгейден төмен де, жоғары да жатқан тау жыныстары массивін қаза алады. Олардың өнімд. сағатына 15 мың м3, массасы 13 мың т-ға жетеді; қ. Экскаватор.Қ. Ысмағұл, А. Бектібаев