Көрінетін сәуле

Көрінетін сәуле - Ағзаға толқын ұзындығы 400-750 нм көрінетін жарық өте көп әсер етеді. Оның энергиясы Жер бетіне жететін күн сәулесінің жалпы энергиясының 45%-ы шамасындай болады. Жасыл өсімдіктер атап айтқанда спектрдің осы бөлігінің энергиясын пайдаланып, органикалық зат синтезін іске асырады. Көрінетін жарық тығыз бұлт және су арқылы өткен кезде азырақ сіңірілетін болғандықтан, бұлыңғыр күйде, сондай-ақ белгілі қалыңдықтағы су қабатында да фотосинтез жүре береді.