Көрқара

Көрқара мекенжұрты, 1 – 6 ғғ. (археол.) – Түркістан облысының жергілікті маңызы бар тарих және мәдениет ескерткіштері тізіміне енген археология ескерткіші.

Орналасқан жері

Отырар ауданы, Балтакөл ауылының оңтүстік шығысында 14 км қашықтықта, Сырдария өзенінің жағасында орналасқан (географиялық координаттары 42T 0409916 UTM 4764721).

Деректер, сипаты

Отырар мемлекеттік археологиялық қорық музейі ашып, зерттеген (С.З. Ахмет, Н.О. Алдабергенов, З.К. Исабеков). Сопақша келген төбе оңтүстіктен солтүстікке созылып жатыр. Етегінің көлемі 80x55 м. Жоғарғы жағындағы алаң көлемі 28x20 м, биіктігі 5 м. Төбеден 25 м жерден оны ені 7 м-дейін, тереңдігі 1 м ор қоршаған. Ордан батысқа қарай арық шығарылған. Үстінен табылған керамика негізінен саптыяқтар мен көзелердің бүйір сынықтары болып келеді.