Көңілашар

«Көңілашар» - Казталов аудандық Мәдениет үйінің жанындағы көркемөнерпаздар ұжымы, халық театры. 1962 ж. мәдени үгіт-көпшілік бригадасы болып құрылды. Көркемдік жетекшісі Қазақстанның еңб. сің. мәдениет қызметкері Сағит Садықов болған. «Көңілашар» 1986 ж. Ақтөбе қаласында өткен түңғыш республикалық көркем-үгіт бригадаларының байқауында бас жүлдені жеңіп алады. Сол жылы ол Мәскеуде өткен көркем-үгіт бригадаларының байқауында дипломант атанды. 1986 ж. оған «халық театры» атағы берілді. 1980 ж. Ақмола қаласында өткен республикалық 2-көркем-үгіт бригадаларының байқауында «Ана тілім — ар-ожданым, намысым» атты қойылыммен (авторлары — Қ. Бердігалыев, А.Қуатова) бас жүлдені жеңіп алды.