Лангет

Лангет — жұқалап турап қуырған сиыр етінен дайындалатын қою тағам.

Мазмұны

• Еттен жасалған лангет
• Соус қосылған лангет

Еттен жасалған лангет

Етті жуып, сіңірі мен майынан ажыратып, жұқалап турайды да, аздап жаныштайды. Содан кейін татымына қарай тұздап, бұрыштап, қызып тұрған табадағы майға екі жағына аударыстыра отырып 5-6 минут қуырады. Ет әбден піскеннен кейін оны басқа ыдысқа салып, табаға бірнеше қасық сорпа құйып қайнатады.

Соус қосылған лангет

Жоғардағы әдіс бойынша құырып, содан кейін етті басқа ыдысқа салады. Ет қуырылған табаға 2 ас қасық томат-пюре салып, оны қоюланғанша бұқтырады да, үстіне 1 шай қасық ұн қосып, бір стакан сорпаға араластырып, 4-5 минут қайнатады.