Лариса Петровна Сахьянова

Лариса Петровна Сахьянова (13.02.1930 жылы туған, Қырен селосы, Қазіргі Бурят - 08.07.2001, Улан-Удэ) - бурят кеңес балет артисі, КСРО халық артисі (1963). 1937 - 42 жылдары және 1945- 46 жылдары Мәскеудің хореография училищесінде оқыды. 1946 жылдан Бурят опера және балет театрының (Улан - Удэ) соло - бишісі. Одетта - Одиллия (Чайковскийдің "Аққу көлінде"), Мария (Асафьевтің "Бақшасарай фонтанында"), Сүйімбитке (Ярулиннің "Шуралесінде"), Ангара (Книппер мен Ямпилловтың "Ангара сұлуында") т.б. партияларды биледі. Гастрольдік сапармен шетелдерде(Болгария, Иран,Ауғанстан т.б.) өнер көрсетті. 1964 жылы Қазақстанда өткен орыс әдебиеті мен өнерінің он күндігіне қатысты. 1966 жылдан педагогикалық қызметпен шұғылданды. 7 сайлауда КСРО Жоғары кеңесінің депутаты. РСФСР Мемлекеттік сыйлығының лауреаты(1972). Еңбек Қызыл Ту орденімен марапатталған.