Лебяжье (көл, Жамбыл облысы)

Лебяжье, Аққулы — Шу алабындағы тұщы көл.

Лебяжье
Морфометрия
Теңiз деңгейiнен биіктігі	259 м
Өлшемі	2,6 × 1,8 км
Ауданы	2,6 км²
Жағалау сызығының ұзындығы	11,4 км
Орналасуы
Ел	Қазақстан
Аймақ	Жамбыл облысы
Аудан	Мойынқұм ауданы

Географиялық орны

Жамбыл облысы Мойынқұм ауданы Ұланбел ауылынан солтүстік-шығысқа қарай 14 км жерде, теңіз деңгейінен 259 м биіктікте жатыр. Аумағы 2,6 км² (көктем айларында 3,5 км²-ге жетеді), ұзындығы 2,6 км, енді жері 1,8 км, жағалау бойының ұзындығы 11,4 км.

Сипаты

Шу өзені жайылмасында жатқан күрделі пішінді көлдің шығысында бірнеше көлдер жатыр. Сондай-ақ көл алабында адам өтпес батпақ пен сор қалыптасқан. Негізінен жер асты және Шу өзенінің суымен толысып отырады.

Өсімдігі

Көтеріңкі келген солтүстік жағалауыында жүзгін, теріскен, ши, жусан өскен. Басқа жағалауларын қамыс, құрақ шоғырлары басқан.