Леонид Николаевич Бурлаков

Леонид Николаевич Бурлаков (1947 жылдың 8 мамырында туған, Чита) – Ақтау қаласының бұрынғы әкімі.

Леонид Николаевич Бурлаков
Лауазымы
Ту Ақтау қаласының әкімі
1994 — 1996
Президент	Нұрсұлтан Назарбаев
Ізашары	Николай Иванович Баев
Ізбасары	Серік Жәмекұлы Оспанов
Өмірбаяны
Білімі	Гурьев политехникумы Гурьев пединституты КОКП ОК жанындағы Қоғамдық ғылымдар академиясы Қазақ мемлекеттік басқару академиясы Л.Н. Гумилев атындағы Еуразия ұлттық университеті
Мамандығы	Мұнайшы-техник Тарих пәнінің мұғалімі саясаттанушы экономист құқықтанушы-заңгер
Дүниеге келуі	8 мамыр 1947 (1947-05-08) (76 жас) Чита, РКФСР, КСРО
Әкесі	Бурлаков Николай Александрович
Анасы	Бурлакова Евгения Прокопьевна
Жұбайы	Бурлакова Валентина Георгиевна
Балалары	Ұлдары - Владислав және Олег
Марапаттары

Білімі

• Гурьев политехникумын (1967) мұнайшы-техник мамандығы бойынша; Гурьев педағогикалық институтын (1975) тарих пәнінің мұғалімі мамандығы бойынша; КОКП ОК жанындағы Қоғамдық ғылымдар академиясын (Мәскеу қ., 1978) саясаттанушы мамандығы бойынша; Қазақ мемлекеттік басқару академиясын (1993) экономист мамандығы бойынша; Л. Гумилев атындағы Еуразия ұлттық университетін (2000) құқықтанушы-заңгер мамандығы бойынша бітірген.

Ғылыми жұмыстары

Экономика ғылымдарының кандидаты (2006). Кандидаттық диссертациясының тақырыбы: «Қазақстан Республикасындағы аймақтық және жергілікті өзін-өзі басқару жуйесін модернизациялау (ұйымдастырушылық-экономикалық аспект)». Доцент (2009). Газеттер мен журналдарда экономика, қаржы және бюджет мәселелері женіндегі, сондай-ақ іждағатсыз бәсекелестік, кедендік заңдар және т.б. мәселелерге байланысты жарық көрген жарияланымдардың авторы.

Партия мүшелігі

Қазақстан демократиялық партиясының (1995-1999), КОКП (1969-1991), «Отан» РСП (1999 жылдан) мүшесі.

Өмірбаяны

• 1965 жылдан - «Маңғышлақмұнайгазбарлау» тресінің Жетібай МБП бұрғышының көмекшісі, бұрғышы-шебер, ТҚ жөніндегі инженер, Маңғышлақ ұңғымаларды сынау және сынамалау кеңсесінде учаскенің аға инженері, Жетібай кенті.

• 1968 жылдан - Өзен аудандық комсомол комитетінің екінші хатшысы, Маңғышлақ облыстық комсомол комитетінің бірінші хатшысы.

• 1976 жылдан - Қоғамдық ғылымдар академиясының тыңдаушысы.

• 1978 жылдан - Жаңаөзен қалалық партия комитетінің екінші хатшысы, қалалық атқарушы комитеттің төрағасы.

• 1985 жылдан - Қазақстан Компартиясы Маңғышлақ облыстық комитетінің ғылым және оқу мекемелері бөлімінің меңгерушісі.

• 1988 жылдан - Қазақстан Компартиясы Гурьев облыстық комитетінің ұйымдастыру-партиялық және кадрлармен жұмысы бөлімінің меңгерушісі.

• 1989 жылдан - «Маңғыстаумұнайгаз» өндірістік бірлестігі бас директорының орынбасары.

• 1994 жылдан - Ақтау қалалық әкімшілігінің басшысы, Ақтау қаласының әкімі.

• 1995 жылдан - ҚР Парламенті Сенатының депутаты. Экономика, қаржы және бюджет жөніндегі комитеттің мүшесі, 1999 жылдан - ҚР Парламенті Сенатының Аймақтық даму және жергілікті өзін-өзі басқару мәселелері женіндегі комитетінің төрағасы, 2005 жылдан - ҚР Парламенті Сенатының Аймақтық және салалық даму комитетінің мүшесі, 2007 жылдан - Экономикалық және еңірлік саясат женіндегі комитетінің мүшесі.

• 2009 жылдан бері - «ҚазМұнайГаз» Барлау Өндіру» АҚ бас директорының кеңесшісі.

Марапаттары

• «Парасат» орденімен (2000), 7 медальмен, ҚазКСР Жоғарғы Кеңесінің 2 құрмет грамотасымен марапатталған. ҚР Президентінің алғыстарымен ескерілген (үш рет). Жаңаөзен және Ақтау қалаларының Құрметті азаматы. ҚР Еңбек сіңірген қызметкері.

Отбасы

• Әкесі - Бурлаков Николай Александрович (1913-1987). Анасы - Бурлакова Евгения Прокопьевна (1915-1954), мұғалім болған.Үйленген. Жұбайы - Бурлакова Валентина Георгиевна (1946 ж. т.), ағылшын тілінің мұғалімі. Ұлдары - Владислав (1971 ж. т.), инженер-технолог; Олег (1974 ж. т.), инженер-механик. 2 немересі бар.