Леонид Павлович Леонтьев

Леонид Павлович Леонтьев (1913 жыл 24 тамыз, Ленинград - 1983 жыл 6 ақпан, Алматы) - орыс кескіндемешісі, Қазақ КСР халық суретшісі (1974).

Еңбек жолы өңдеу

1939 жылы Ленинградтағы И.Е.Репин атындағы Көркемсурет институтының кескіндеме факультетін бітірді. 1939 жылдан Алматыда тұрады. 1939-1958 жылдары Алматы көркемсурет училищесінде сабақ берді. Қазақ халқының жаңа тұрмысын бейнелейтін «Колхоз базары» (1940), «Қазақстан кілемшілері» (1949), «Щорс атындағы колхоздың шеберханасы» (1954), «Қазақстан композиторлары» (1958), «Шопандар» (1974) атты суреттердің авторы. Портрет және графика жанрында (С.И.Калмыков, Д.Нұрпиісова, С.Қожықов) еңбек етті.

Марапаттары өңдеу

Еңбек Қызыл Ту ордені және медальдармен марапатталған.[1]

Дереккөздер өңдеу

  1. Қазақ Совет Энциклопедиясы, Алматы, 1975ж., 7 том