Логикалық формалар

Логикалық формалар — таным әрекеті барысында жүзеге асырылатын әртүрлі нақты мәндегі ойларды (және ой бөліктері) құрудың, баяндау мен байланыстырудың тәсілдері. Логикалық формалар адамзаттың қоғамдық-тарихи іс-әрекетінің барысында қалыптасты, жалпы адамзаттық сипаты бар. Ойлаудыағы шындықтың барынша жалпы кескінін бейнелейді (мыс., қайсыбір нәрсе әрқалай қасиетке ие, басқа нәрселермен қандай да бір қатынаста болады, ал ол нәрселер топтар құрады, кейбір құбылыс басқа құбылыстарды тудырады және т. б.). Формальды логикада зерттелетін Логикалық формалардың бір тобы кездеседі (ұғымдар және пайымдаулар, түйіндеулер мен дәлелдеулер, анықтамалар және т. б.). Танымда Логикалық формалардың қайсыбірін пайдалану ойдағы мәннің бейнелену сипатымен анықталады.