Локомотив депосы

Локомотив депосы - локомотивтерді (паравоз, тепловоз, электровоз, т.б.), яғни темір жол транспортын жөндеуге, күтуге және оларды пайдалануға арналған кәсіпорын.

Засулаука Локомотив депосы

ДеполарӨңдеу

Локомотив депосы негізгі, алмасу және техникалық бақылау деполарына бөлінеді.

Негізгі депоӨңдеу

Негізгі депода локомотивті жөндеудің барлық түрі және бақылау жұмыстары іске асырылады. Негізгі депода локомотивтердің күйі бақыланып, жоспарлы түрде жөндеуден өткізіледі.

Алмасу және техникалық бақылау деполарыӨңдеу

Алмасу және техникалық бақылау деполары учаскелердің соңғы пункттерінде орналасады. Жөндеу учаскелерінің аралығы 1000-2000 км-дей болған кезде, локомотивтерді жол бойындағы әр түрлі деполардың ауысымды бригадасы күтіп, жөндеп отырады. Локомотив депосында локомотивтер жөндеуден өтетін немесе жөндеуді күтіп тұратын алаңдар болады.[1]

ДереккөздерӨңдеу

  1. Қазақ Совет Энциклопедиясы, Алматы, 1974ж., 7 том