Лоллардтар

Лоллардтар - XIV ғасырда Англиядағы шаруа-плебейлер қозғалысына қатысушылар.

Еуропаның бірқатар басқа да елдеріндегі католик дініне қарсы шығушыларды осылай атаған. Олар алғаш рет Антверпенде 1300 жылдар шамасында пайда болды. Олар католик шіркеуіне қарсы шығумен қатар феодалдық қоғам әділетсіздіктерін қатаң сынады, барщинаны, десятина мен алым-салықтарды, сословиелік билікті жоюды талап етті. Дінсіздерді өртеу туралы 1401 жылғы статустан кейін лоллардтарды жаппай жазалау басталды. Лоллардтар қозғалысының ағылшын реформациясын дайындаудағы рөлі зор болды.