Лот

Лот(ағылш. lot — жеребе‚ үлес‚ салмақ) — топтама:

• Жеткізу шарты бойынша тауар топтамасы, сериясы немесе оның бір бөлігі, сондай-ақ сатуға ұсынылатын тауарлардың кез келген тобы. Лотты бір келісімшарт деп атайды. Келісімшарт бойынша жеткізілетін тауардың жалпы көлемі бірнеше лотқа бөлінуі мүмкін. Біртекті құрылыс немесе құрастырым жұмыстарының белгілі бір көлемі де бірнеше лотқа бөлінеді. Лот аукциондық сауда-саттықта кеңінен қолданылады‚ мұнда тауарлар не бір заттан тұратын лоттарға не біртекті бірнеше лоттарға бөлінеді. Әрбір лотқа нөмір беріліп, осы нөмірлер бойынша сатылады;
• Кемеден судың тереңдігін өлшейтін құрал;
• Үш мысқалға немесе 12‚8 г-ға тең салмақ өлшемі.
• Биржалық тәжірибеде, сатуға шығарылған саны мен сапасы бойынша стандартты болып табылатын бір типті тауарлар; тауар биржасындағы мәміле бірлігі.
• Биржаның сауда жүйесінде аталмыш типтегі құнды қағаздармен жасалатын мәміле мәні болып табылуы мүмкін құнды қағаздардыі ең аз мөлшері.