Лоқы

Лоқы - жылқы мен сиырда кездесетін гельминтозды ауру. Ауру қоздырғышы - жіңішке жұмыр гельминттер.

Бұл ауруға көбінесе мініс аты жиі шалдығады. Аурудың белгілері: әуелі шоқтықтың алдыңғы жағында, жауырын шеміршегінің үстінде жұмсақ ісік пайда болады, бұл ісік біртіндеп қатаяды. Асқынғанда ірің жиналып, тесіледі де, жараға айналады. Емі: асқынбаған лоқыға ыстық кеп, қыздырылған парафин тартады, ихтиол жағады, асқынған жағдайда операция жасалады.