Луганский бюсті
Луганский бюсті – Алматы қаласы бойынша республикалық маңызы бар тарих және мәдениет ескерткіштері мәртебесіндегі монументтік өнер құрылысы ескерткіші.
.jpg) | |
| Орналасуы |
Алматы қаласы |
|---|---|
| Жоба авторы |
Мүсінші – Н.И. Павлов, сәулетші – И.И. Белоцеровский |
| Түрі |
монументтік өнер құрылысы |
| Құрылыс материалы |
гранит, қола |
| Биіктігі |
2 м |
Орналасқан жері
өңдеуАлматы қаласы, Абылай хан даңғылы мен Гоголь және Әйтеке би көшелері аралығындағы саябақта орналасқан және Алматының бұрынғы әкімшілік орталығы сәулетінің ажырамас бөлігі болып табылады.
Тарихи дерек
өңдеуБюст КСРО Жоғарғы Кеңесі Президиумының 1944 жьшғы 1 шілдедегі жарлығы бойынша Кеңес Одағы Батыры атағын 2 рет алған алматылық ұшқыш С.Д. Луганскийге арналып, 1947 жылы ашылған. Мүсінші – Н.И. Павлов, сәулетші – И.И. Белоцеровский. Қоладан құйылған бюст 4 м-лік гранит тұғырға орнатылған. Биіктігі - 2 м.[1]
Тұғырдың қасбетіне "Кеңес Одағының батыры – капитан С.Д. Луганскийді екінші "Алтын жұлдыз" медалімен марапаттау туралы КСРО Жоғарғы Кеңес Президиумының жарлығы. Басшылықтың әскери тапсырмаларын бұлжытпай орындағаны және неміс басқыншыларымен майдандағы күресте көрсеткен ерлігі үшін Кеңес Одағының батыры капитан Сергей Данилович Луганскийге екінші "Алтын жұлдыз" медалі берілсін және оның ерен ерлігіне деген құрмет үшін марапатталушының отанында қола мүсін жасалып, тұғырға қойылсын. КСРО Жоғарғы Кеңес Президиумының төрағасы М. Калинин. КСРО Жоғарғы Кеңес Президиумының хатшысы А. Горкин. Мәскеу. Кремль. 1944 ж. 1 шілде" деп жазылған қола тақтайша бекітілген.[2]
Дереккөздер
өңдеу- ↑ Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8
- ↑ Қазақстанның тарихи-мәдени нысандарының және жаппай зиярат ету орындарының альбомы/ ; ҚР Мәдениет және спорт министрлігі, Қазақ ғылыми-зерттеу мәдениет институты ; [жоба авторы Т. Бекбергенов ; бас ред. А. Р. Хазбулатов]... – Астана : [б. ж.], 2018. - 495 б., суретті; . – Библиогр.: 490 б. . – 100 дана – ISBN 978-9961-23-485-9