Луна-9

Луна-9 — Ай бетіне жұмсақ қонған әлемдегі тұңғыш ғарыш кемесі.

Луна-9
Ұйымы	КСРО, Лавочкин ат. КБ
Тапсырысы	Планета аралық автомат станция
Ұшыру күн-айы	1966 ж. 31 қаңтар, Байқоңыр
Сөре көлігі	Молния-М зымыран-тасығышы
Тапсырыс ұзақтығы	6 күн, 11 сағат, 10 минут
NSSDC нөмірі	1966-006A
Массасы	Жалпы 1583,7 кг ААС 100 кг

Ол Айға Автоматты ай станциясын (ААС) жеткізді. ААС алғаш рет Ай бетінің телепанорамасын түсіріп, оны Жерге трансляциялады.

Луна-9 станциясының ұзындығы 2,7 метр, ал Автоматты ай станциясының диаметрі 58 сантиметр болды. ААС-ң екі жағынан оны қорғайтын амортизаторлық баллондар орнатылған еді, төрт антеннасы қонғаннан кейін автоматты түрде ашылатын. ААС аккумулятормен, температураны реттеу жүйесімен, радиолық, бағдарламалық және ғылыми құрылғыларымен жабдықталған еді.

Хронологиясы

Бұған дейін Ай бетіне жұмсақ қонуға бағытталған Кеңестердің 12 ғарыш кемесі сәтсіз ұшырылған болатын. Луна бағдарламасын жүзеге асыруды бастаған ОКБ-1 кейінгі жұмыстарын Лавочкин атындағы конструкторлық бюроға тапсырды. Жаңа бюро негізінен амортизаторлардың сапасын және қосылуын реттейтін өзгерістерді енгізіп, бағдарламаны жалғастырды.

1966 жылдың 31 қаңтарында сағат 14:41:37 (UTC+3) Луна-9 Байқоңырдан ұшырылды.

3 ақпанда сағат 21:44:52 (UTC+3) аппарат Айға қонды. Бұл тарихи оқиға Дауылдар мұхитында, Кавальери кратерінің солтүстік-шығысында орын алды.

ААС-пен 8 сағаттан артық жалғасқан 7 байланыс сеансы өткізілді. Ол Ай бетінің панорамалық суреттерін түсіріп, оны Жерге жіберді. Әр панорамасының жетуіне 100 минуттай уақыт кететін.

Галерея

• 
  Луна-9 құрметіне басылған пошта маркасы
• 
  Луна-8 құлаған және Луна-9 қонған жерлері
• 
  Ай бетінен алғашқы фотосурет.

Сілтемелер

Ортаққорда бұған қатысты медиа санаты бар: Luna 9

• АМС "Луна 9"
• Луна-9 Лавочкин ҒӨБ сайтында
• Luna 9 НАСА сайтында