Ляудининктер (литв. liaudininkas – халықшыл), толық атауы Литва шаруа-ляудининктер одағы – орта және ұсақ буржуазия либерал партиясының мүшелері. 1902 жылы Литва демократиялық партиясы, 1905 жылы Литва шаруалары одағы (кулактар партиясы) құрылды. Неміс әскерлері оккупациялаған (1915-18) Литвада демократтардың өкілдері 1917 жылы қыркүйекте басқыншылар құрған контрреволюциялық «Литва советіне» кірді. Ақпан революциясынан кейін демократиялық партияның мүшелері социалистердің Литва Ляудининктер (эсер) партиясын, ал оңшыл элементтері социалистердің Литва Ляудининктер-демократтар партиясын құрды (1917 жылы қарашада) Ляудининктер талай рет Литва министрлер кабинетін басқарды. Оның басшылары 1926 жылы 17 желтоқсандағы фашистік төңкеріске бөгет жасамады, фашистік диктатураны Литвада заңдандыруға көмектесті. Ляудининктердің қатарындағы мүшелері басшыларының саясатына наразы болып, 1935 жылы шаруалар ереуілі кезінде коммунистер жақындасты, халық майданының антифашистік комитетін құрды.1936 жылы Ляудининктердің ұйымдарын үкімет жапты. Ляудининктер партиясының кейбір прогресшіл мүшелері 1940 жылы Литвада Кеңес өкіметінің жариялануын қарсы алып, социалистік құрылысқа араласты. Ляудининктердің реакцияшыл басшылары 1941-44 жылы неміс фашистеріне қызмет етті. Олардың кейбіреуі фашистік Германия жеңілгеннен кейін буржуазиялық- ұлтшылдардың астыртын ұйымына қосылды, басшылары гитлершіл әскерлермен бірге АҚШ, Канадаға қашып кетті.

Дереккөздер өңдеу

Қазақ энцеклопедиясы