Лёсс платосы
Лёсс платосы немесе Шаньси үстірті — Қытайдың шығысындағы үстірт. Хуанхэ өзені мен Солтүстік Қытай жазығы аралығында. Ұзындығы 800 км шамасында, ені 350 км-дей болады. Ең биік жері 3020 м. Шаньси үстірті негізінен гнейс, әктас, тақтатастан түзілген; оның үстін қалыңдығы 50 м лёсс шөгінділері жапқан. Ашық сары түсті топырағына байланысты "Сары жер елі" аталады. Жер бедерінде опырылымдар, дөң және терең аңғарлар кездеседі. Үстірті солтүстіктен оңтүстікке қарай бірнеше терең қазаншұңқырлар, жыралар тілімдейді. Тас көмірге бай. Жазық келген жерінің топырағы құнарлы. Халық жиі қоныстаған[1].
Дереккөздер өңдеу
- ↑ Қазақстан ұлттық энциклопедия. 9 том. Алматы, 2007.