Магон Уильям

Магон Уильям (Mahone, William) (1 желтоқсан 1826 жылы, АҚШ, Вирджиния штаты, Саутхемптом графствосы — 8 қазан 1895 жылы, Вашингтон), америкалық саясаткер және теміржол магнаты. .

Вирджиниядағы Әскери институтты бітіргеннен кейін сабақ бере жүріп, инженер ісін бір уақытта зертеп жүрді. 1851 жылы Норфолк-Питерсберг теміржолында инженер болып жұмыс істеді, ал 10 жылдан кейін осы компанияның президенті болып тағайындалды.

Азамат соғысы кезінде Конфедерацияда бас квартирмейстер болып сайланды, бірақ солтүстік Вирджиниядағы армияға кетіп, онда генерал майор шеніне дейін өсті. Соғыстан кейін жол құрылыс жұмыстарына қайта оралып, Атлантика, Миссисипи және Огай (кейіннен Норфолк-Батыс) теміржолдарының президенті болды (1867 жылы).

Теміржол патронажының негізінде саяси база салды, бірақ 1870 жылдары теміржолға бақылаудан айрылды. Демократиялық партияның губернаторына үміткерлікке ұсынылып өтпей қалған соң (1877 жылы), «риджастерлер» (қайта ұйымдастырушылар) саяси партиясын жасау үшін (1879 жылы) афроамерикалық және ақ нәсілді кедейлердің коалициясын ұйымдастырды, олар өз кезегінде реформаны жариялауға үлгерді. АҚШ Сенатына республикашылардың атынан қатысты (1880-87 жылдары).