Майра Жансаева

Майра Жансаева — 1909 жылы Петропавл қаласында туған.1915 жылдан 1918 жылға дейін молдадан оқып хат танып, Петропавл қаласындағы қазақ мектебін 1942 жылы бітіріп шықты. 1934 жылдан бастап Қазақтың мемлекеттік көркем әдебиет баспасында редактор болып істей жүріп, өлең-жырлар жазған. Сол кезде жазған өлеңдері облыстық, республикалық газет, журналдарда, ұжымдық жинақтарда жарияланған. Алғашқы топтамасы «Жастар даусы» атты республика жас ақындарының жинағында (1949) шықты. 1951 жылы «Ана жүрегінен» атты жеке өлеңдер жинағы жарық көрді.

Шығармашылығы

Татар жазушысы Г.Башировтың «Намыс» атты романын (1952), татар жазушыларының әңгімелері «Татар әңгімелері» (1954) деген атпен қазақ тілінде жеке кітап етіп шығарды.

• Жастар даусы. Коллективтік жыр жинағы. А., ҚМ КӨБ, 1949;
• Ана жүрегінен. Өлеңдер. А., ҚМКӘБ, 1951.