Майшабақжегі акулалар тұқымдасы

Майшабақжегі акулалар (лат. Lamnа) – орақтәріздес құйрық жүзбеқанаты және үшбұрышты кетілген тістері бар ірі пелагиалдық акулалар. Дене пішіні сүйір, тамаша жүзетін балықтар. Тұқымдаста 3 туыс, 6 түр бар.

Майшабақжегі акулалар
Ғылыми топтастыруы
Дүниесі: Жануарлар Жамағаты: Хордалылар Кіші жамағаты: Омыртқалылар Табы: Шеміршекті балықтар Кіші табы: Майшабақжегі

Түрлері

• Ақ түсті акула (лат. Carcharodon) – өте белгілі ақ түсті акула кісіжегі, мұның түсі ақ емес, күңгірт сұр немесе қоңырқай болып келеді. Бұл акуланың тұрқы 6-7 метрге дейін жетеді, тіпті одан да ұзын болуы мүмкін және салмағы 600-3200 килограмм болады. Дүниежүзілік мұхиттың жылы суларында кең тараған және қомағайлығымен мәлім; балықтарды, ұсақ акулаларды, итбалықтарды, теңіз құндыздарын және теңіз тасбақаларын жейді. Жиегі кетілген өткір ірі 5 сантиметрлік тістерімен жиегі қанталаған, ауырсындыратын, жұлқыланған жара салады. Бұл акулалар шомылғандарға шабуыл жасау үшін жағажайды төңіректейді.
• Майшбақжегі акулалар (лат. Lamnа) – пелагиалда тіршілік етеді және сұр көкшіл түске боялған. Атланттық майшабақжегі акула негізінде Атлантиканың солтүстік бөлігінде мекендейді. Тұрқы 3,6 метрге дейін жетеді, әдетте ұсағырақ болады. Жыртқыш акула, балықты, басаяқты ұлуларды жейді. Тірілейшабақ жұмыртқалайды, жұмыртқажебірлік қасиетімен сипатталады (жұмыртқамен қатарлас жатқан ұрықты жеп қояды). Жұмыртқажолдағы 3-5 шабақ (олардың әрқайсысының тұрқы 70 сантиметрге дейін жетеді) көтеріп жүреді.
• Албыртжегі акула (лат. Lamnа ditropis) – атланттық акулаға жақын, бірақ оның созбағы қысқа және доғал. Тынық мұхиттың солтүстік бөлігінде мекендейді. Балық шаруашылығына белгілі шығын келтіріп, албырт тұқымдас балықтарды жеуге әуес. Адамдарға шабуыл жасамайды. Балық шаруашылығы кәсіпшілігінің негізгі көзі.
• Шоршығыш акула (лат. Carcharodon carcharias) – Атлантикада, Тынық және Үнді мұхиттарында,кезінде тропикалық суларда таралған. Бұл акуланың жоны қошқыл сұр, ал құрсағы – ақшыл. Ірі балықтар, тұрқы 4 метрге дейін жетеді, салмағы 450 кг. Сұр көгілдір акулалар акулалардың ішіндегі ең жүзгіштері болып саналады. Тіпті суға жақын тұрған жағалаудағы адамдарға да шабуыл жасауы мүмкін. Қылышбалықтарға жиі шабуылдайды, қарындарынан солардың қалдықтары табылған. Шоршығыш акула спорттық балық аулаушылардың сүйікті нысаны болып саналады, яни ұстап алған кезде бой бермей қарсы тұрады, шоршиды.