Макалу
Макалу Эверест тауының шығысында, бар болғаны 14 шақырым қашықтықта орналасқан. Ол оқшауланған тау болып табылады. Макалу тауы Непал мен Қытай шекарасында орналасқан. Макалудың екі қосымша шыңы бар: Чомо онзо - 7804 м және Кангчунгцзе немесе Макалу II - 7648 м. Аталған шыңдар аңғар арқылы өзара байланысып тур.Макалу — әлемдегі көтерілуге қиын, күрделі таулардың бірі. Макалуға шығуға бірінші болып 1954 жылы Уильям Сири басқарған америкалық топ талпыныс жасап, сапар сәтсіз аяқталды. Макалу тауына апаратын жол Непалдан алыс әрі шөлді аудандарының бірі - Барун алқабы арқылы өтеді. Макалу-Барун аймағы - түрлі өсімдіктер мен жануарларға бай аймақтардың бірі. Макалу орманында көптеген жабайы аңдар тіршілік етеді. Олардың қатарында сирек кездесетін әрі жойылуға айналған қызыл панда, буғы, Гималай тары мен барыс та бар. Макалу-Барун Ұлттық саябағында 400-ге жуық әртүрлі құстар мекен етеді. Онда дақты Рен мен сайрағыш қустар да кездеседі. Макалу тауы теңіз деңгейінен 8463 м биіктікте орналасқан. Сондықтан да ол әлемдегі ең биік таулардың бірі болып табылады. Чомо Лонзо шыңы Макалудың қатарлас шыңы болып табылады. Ол шағын аңғар арқылы бөлініп турған ең биік шыңнан солтүстікке қарай созылып жатыр. Макалу ең биік таулар арасында бесінші орынды иеленеді.[1]
| № | Шың | Биіктіктер, м |
|---|---|---|
| 1 | Негізгі Макалу | 8481 |
| 2 | Оңтүстік-шығыс Макалу | 8010 |
Дереккөздер
өңдеу- ↑ Алматы: “Аруна” баспасы. 208 бет. Сер.:“1100 қызықты дерек”.