Мангуст

Мангуст
Ғылыми топтастыруы
Дүниесі:	Жануарлар;
Жамағаты:	Chordata;
Табы:	Сүтқоректілер;
Сабы:	Жыртқыштар;
Кіші сабы:	Мысықтәрізділер;
Тұқымдасы:	Мангуст тұқымдасы;
Тегі:	Мангуст;

Мангуст (лат. Herpestes) — Мангуст тұқымдасының (лат. Herpestidae) жыртыш жануарлар тегі.

Құйрығын қоса есептегенде ұзындығы 1 метрге жуық ширақ денелі қайсар және оңтайлы жануар. Сыртқы пішіні күзенге және мысыққа ұқсайды. Мангуста улы сұр жыландармен шайқаста тайсалуды білмейді. Ол өте сақ, сондықтан өзіне төнген қауіпты қалт жібермей, өте шапшаң бағдарлап, жыланның алқымына шап ете түседі. Ал көзіне іліккен жемін магуста тірі жібермейді. Ол өте айбарлы да улы гюрзаларды дәл осылай өлтіреді. Магуста қолға тез үйренеді. Үнділер мангустаны асырап улы жылан және тышқан аулатады.Бет-әлпеті сүйір, құлағы кішкентай, аяқтары қысқа. Көптеген түрлері күндіз белсенді болып жүреді. Сұр немесе қоңыр жүнінде ақ дақтар немесе қара белгілер болуы мүмкін. Жеке, жұп немесе үлкен-үлкен топ болып апандарда тіршілік етеді.

Ұсақ сүтқоректілермен, құстармен, бауырымен жорғалаушылармен, жұмыртқалармен және жемістермен қоректенеді. Кейбіреуі улы жыланды жейді, оларды бас сүйегінен тістеп өлтіреді.

Қызықты деректер

Р.Киплингтің кейіпкері Рикки-тикки-тави - Сұр үнді мангусты (лат. Herpestes edwardsii) болған; Суриката да осы тұқымның бір түрі. Көлемі 17-ден 90 см аралығында құбылып отырады, ұзындығы 15-30 см болатын құйрығы үлпілдек болады.

Дереккөздер