Марат Жахитов

Марат Жахитов (7 қаңтар 1945 ж.т., Тараз қ.) - спортшы, бапкер.

Еңбек жолы

КСРО мен Қазақстанның еңбек сіңірген жаттықтырушысы. Қазақ ауыл шаруашылығы институтын бітірген (1968). Институтта самбо күресімен айналысып, республика біріншіліктерінің жеңімпазы атанды. Спорт шебері болады. КСРО студенттер ойнында жүлделі орынға ие болып, құрама командаға алынды. 1969-71 ж. Кеңес Армиясының қатарында жүріп, Беларусьның құрама командасына мүше әрі бапкер болды. КСРО Қарулы Күштерінің жүлдегері атанды.

Шәкірттері

Жамбыл қаласында бапкерлік жұмысын бастап, 1971-2000 ж. арасында самбодан Қ. Байшолақов, Т.Байшолақов, Н.Оспанов сияқты әлем чемпиондарын дайындады. Оның шәкірттері С.Волобуев, А.Махмутов, А.Мұсабеков, Т.Байшолақов, С.Жартыбаевтар әр жылдары әлем Кубогын жеңіп алса, А.Мұсабеков пен Қ.Байшолақов Еуропа чемпиондары атанды. Ал, А.Махмұтов, Е.Әлжанов, М,Жүнісбеков, Т.Жылгелдиев, С.Жартыбаев, С.Волобуевтар Азия құрылығының чемптондары болды.

Марапаттамалары

Марат Жахитов КСРО мен Қазақстан, Францияның құрама командасының бапкері болды. "Халықтар Достығы" орденімен, медальдармен, Қазақ КСР Жоғары Кеңесінің Құрмет грамоталарымен марпатталған.