Марат Мальтекбасов Жабықбайұлы

Марат Мальтекбасов Жабықбайұлы (8 наурыз 1958 жыл, Қапал ауданы, Талдықорған облысы) - педагогика ғылымдарының докторы, профессор

Өмірбаяны

Марат Жабықбайұлы 1958 жылы 8 наурызда Талдықорған облысы, Қапал ауданы, Арасан совхозында қызметкерлер отбасында дүниеге келген. Ұлты – қазақ. Білімі жоғары. 1981 жылы Томск басқарудың автоматтандырылған жүйесі және радиоэлектроника институтын аяқтап тәмамдағаннан кейін, І.Жансүгіров атындағы Талдықорған педагогикалық институтында жалпы физика және физиканы оқыту әдістемесі кафедрасының аға лаборанты, оқытушысы, теориялық физика және техникалық пәндер кафедрасының стажер-ізденуші қызметтерін атқарды.

1991 жылы С.М.Киров атындағы ҚазМУ аспирантурасын бітіріп, 01.04.07 – қатты дене физикасы мамандығы бойынша физика-математика ғылымдарының кандидаты ғылыми дәрежесін алу үшін диссертациясын сәтті қорғады. Диссертация қорғаған соң, электрорадиотехника кафедрасының аға оқытушысы қызметін атқарды. 1995 жылы қаңтарда электрорадиотехника және ОТҚ кафедрасының меңгерушісі қызметіне сайланды. 1998 жылдан доцент ғылыми атағы бар. 1999 жыл қазанда инженерлік-экономикалық факультет деканы қызметіне сайланды. 2001 жыл қыркүйекте оқу және ғылыми жұмысы жөніндегі проректор қызметіне тағайындалды. 2004 жылғы ақпаннан І.Жансүгіров атындағы Жетісу мемлекеттік университетінің оқу ісі жөніндегі проректоры.

01.07.2008 ж. осы күнге дейін І.Жансүгіров атындағы Жетісу мемлекеттік университетінің ұйымдастыру жұмысы, әлеуметтік және студенттік сұрақтар бойынша проректоры.

Жоғары оқу орындары арасындағы, республикалық және халықаралық басылымдарда жарық көрген 77 ғылыми мақаланың авторы. Сондай-ақ:

• құрамында мырышы бар халькогенидті шыны тәріздес аморфты биполярлы фотоөткізу эффектісі бар жартылай өткізгіштердің пленкасын алу тәсілі №75437 ойлап табу патентінің иегері – 08.06.2011 ж.
• құрамында мырышы бар халькогенидті шыны тәріздес аморфты биполярлы дрейф эффектісі бар жартылай өткізгіштердің пленкасын алу тәсілі №75437 ойлап табу патентінің иегері - 08.06.2011 ж.

2002 жылы «Қазақстан Республикасының білім беру ісінің құрметті қызметкері» төс белгісімен, 2003 жылы «Қазақстан Республикасының ғылымын  дамытуға сіңірген  еңбегі үшін» төс белгілерімен, 2009 жылы"Ы.Алтынсарин" атындағы медалімен және 2013 жылы "А.Байтұрсынов" атындағы күміс медалімен марапатталған. 2011 жылы – Қазақстан Республикасының Президентінің және Нұр Отан партиясының 15-жылдығына орай, партия төрағасының бірінші орынбасары Б.Байбектің қолымен Алғыс хатымен марапатталған.

2011 жылы 13.00.08 - «Кәсіптік білім берудің теориясы мен әдістемесі» мамандығы бойынша докторлық диссертациясын сәтті қорғады.

2004 жылы есімі «Ресейдің танымал ғалымдары» атты энциклопедиясына енгізілген. 18.01.2013 ж. Ресей жаратылыстану академиясының профессоры болып сайланды. ҚР педагогика ғылымдары Академиясының корреспондент-мүшесі.

Халықаралық турнир «Джиу-джитсу» федерациясының мәртебелі президенті.

Талдықорған қалалық маслихатының ІІІ, IV, V шақырылымының депутаты.

Ақсу ауданының Құрметті азаматы.

Сілтемелер

• Марат Мальтекбасов Жабықбайұлының өмірбаяны Мұрағатталған 8 наурыздың 2016 жылы.