Марат Смағұлұлы Қосубаев

Марат Смағұлұлы Қосубаев - 1938 жылы 28 қазанда Алматы облысының Кеген ауданында туған. Қазақ. Әкесі - Қосубаев Смағұл, марқүм. Анасы - Қосубаева Көкен, марқұм. Қазақ мемлекеттік дене шынықтыру институтын бітірген (1967), жаттықтырушы-оқытушы. Грек-рим күресі тақырыбында бұқаралық ақпарат құралдарында жарияланған 8 мақаланың авторы. Қазақ және орыс тілдерін біледі. «Нұр Отан» ХДП мүшесі .

• 1962 жылдан - «Еңбек резервтері» Бүкілодақтық ерікті спорт қоғамы (БЕСҚ) Семей облыстық кеңесінің грек-рим күресі бойынша жаттықтырушысы, 1964 жылдан-

Семей облыстық кеңесі төрағасының орынбасары.

• 1968 жылдан - «Еңбек резервтері» БЕСҚ Семей облыстық кеңесінің грек-рим күресі бойынша аға жаттықтырушысы.
• 1990 жылдан - Семей облыстық спорт жөніндегі білім беру басқармасының меңгерушісі.
• 1993 жылдан - Семей қалалық спорт комитетінің бас маманы.
• 2007 жылдан бері - Семей қаласының «Локомотив» стадионының меңгерушісі. ҚазКСР халыққа білім беру ісінің үздігі. ҚР кәсіби-техникалық білім беру ісінің үздігі. Халықаралық дәрежелі төреші, ҚР грек-рим күресінен Еңбек сіңірген жаттықтырушы. «Еңбек ардагері», «Ерен еңбегі үшін. В.И. Лениннің туғанына 100 жыл толуы құрметіне» медальдарымен; ҚазКСР Жоғарғы Кеңесінің грамоталарымен; ҚР Құрмет грамотасымен, КСРО спорт комитетінің грамоталарымен марапатталған. Семей қаласының Құрметті азаматы.

Қазақстанның болашағы туралы болжамы - «Еліміздің әрі қарайғы дамуы».
Сүйіп оқитын әдебиеті - көркем әдебиет.

Үйленген. Жұбайы - Омарова Зинаида Қалиқызы (1948 жылы туған), зейнеткер. ұлдары - Алмат (1968 жылы туған), Ерік (1970 жылы туған). Немересі - Жәнібек (2000 жылы туған).