Маргун

«Маргун» сарқырамасы — Иранның Фарс облысындағы Сепидан ауданының ең әдемі жерлерінің бірі. Бұл сарқырама өзінің туристік тартымдылығына байланысты Иранның ұлттық табиғи ескерткіштерінің қатарына жатқызылды. Бұл сарқырама ‑ Иранның ең атақты сарқырамаларының бірі. Ол Шираз қаласынан 125 шақырым жерде Сепидан ауданындағы Маргун ауылына жақын жерде Каһкилуйе мен Буирахмад облысының шекарасында орналасқан.

Маргун сарқырамасының биіктігі 70 метр, ені 100 метр. Бұл жердің көрінісі өте әдемі. Бұл сарқыраманың басқалардан айырмашылығы Маргунның өзі бір өзеннің бастауы болып табылады. Бұл бастау таудың басынан атқылап шығып, жүз метрге жайылып ағып, сарқырамалардың жиынтығына ұласады. Таудың ағашқа толы еңіс етегі, мүк басқан өте әдемі даласы, жапсарлас бұлақтардағы судың молдығы Маргуннің көруге тұрарлық тартымдылықтары болып табылады. Қыс мезгіліндегі суық ауа осы сарқырамада таңғажайып көріністі тудыратын сүңгілердің пайда болуына себеп болады. Сары және қызыл алма ағаштары, емен, жаңғақ, мәжнүн тал, шырша, жабайы бөріқарақат бақтарының көптігі осы ауданның табиғи тартымдылығын одан ары арттыра түседі.