Мариан Нгуаби

Нгуаби Мариан (31. 12. 1938 ж., Форт-Руссе — 18.03.1977 ж.,Браззавиль, Конго) — Конгоның мемлекет және саяси қайраткері.

Оң жақта - Нгуаби Мариан, сол жақта - Николае Чаушеску

Шаруа отбасында туған. Браззавильде және Страсбургтегі (Франция) унтер-офицерлер мектебінде әскери білім алды. Аббат Ф. Юлу үкіметін қызметтен кетуге мәжбүр еткен халық бұқарасының 1963 жылғы революциялық көтерілісінен кейін Пуэнт-Нуар гарнизонының бастығы болды. 1966 жылдың жазында Конго армиясы Бас штабының бөлім бастығы. 1966—1968 жылы Ұлттық революциялық қозғалыс партиясы ОК-нің мүшесі. Мариан 1968 ж. Массамба-Деба үкіметі қызметтен кеткеннен кейін құрылған Революцияның ұлттық кеңесін басқарды. 1969 жылдан Конго Еңбек партиясы ОК-нің председателі, республика президенті, Мемлекет совет председателі және Конго армиясының бас қолбасшысы.