Марина Борисқызы Әлбекова

Марина Борисқызы Әлбекова - 1969 жылы 13 қыркүйекте Гурьев облысы Мақат ауданы Доссор кентінде туған. Қазақ.

Марина Борисқызы Әлбекова
Дүниеге келгені:	1969 қыркүйек Гурьев облысы, Мақат ауданы

Алматы халық шаруашылығы институтының инженерлікэкономикалық факультетін (1990) экономист мамандығы бойынша бітірген.

Қазақ, орыс және неміс (сөздікпен) тілдерін біледі.

1990 жылдан - Шевченко қалалық халыққа білім беру бөлімі жоспарлау бөлімінің экономисі. 1991 жылдың қыркүйегінен - Шевченко қалалық қаржы бөлімінің бас маманы.

1992 жылдан - Маңғыстау облыстық қаржы басқармасы бюджет бөлімінің бас маманы, 2000 жылдан - бөлімінің бастығы. 2003 жылдан - Маңғыстау облыстық мәслихаты 3-ші шақырылымы тексеру комиссиясының бастығы. 2005 жылдан - Маңғыстау облысы Қаржы департаментінің директоры. 2008 жылдан бері - Маңғыстау облысы Қаржы басқармасының бастығы.

Маңғыстау облыстық мәслихаты 3-шақырылымының депутаты (2003-2005).

Саяси қайраткер ретіндегі идеалы - Н.Ә. Назарбаев, Дж. Сорос.

Қазақстанның болашағы туралы болжамы - «Экономикасы тұрақты, ұлтаралық келісім, тұрақтылық сақталатын, халқының және мемлекеттің тұрмыс жағдайы өскелең өркендеуші республика».

Хоббиі - таңдаулы тамақтар дайындау.

Сүйіп оқитын әдебиеті - классика.

Тұрмыс құрған. Жұбайы - Әлбеков Асқар Тілеуұлы (1966 ж.т.). Ұлы - Әлішер (2000 ж.т.).