Мария Мезенцева
Мария Мезенцева (укр. Марія Сергіївна Мезенцева; туған жылы 10 желтоқсан 1989 жыл, Харьков) — украиналық саясаткер, волонтер, жеке кәсіпкер. IX шақырылымдағы Украина халық депутаты.
| Мария Мезенцева | |
| Марія Сергіївна Мезенцева; | |
| Туған күні |
10 желтоқсан 1989 (34 жас) |
|---|---|
| Туған жері | |
| Партиясы |
Самопомощь, Слуга народа |
| Мансабы |
саясаткер, волонтёр, жеке кәсіпкер |
Жастық шағы, білімі өңдеу
Мария Сергеевна Мезенцева 1989 жылы 10 желтоқсанда Украинада Харьков қаласында дүниеге келген, балалық шағы сонда өткен.
Болашақ депутат 1996 жылы №68 Харьков мектебіне барады. Бесінші сыныптан бастап №6 Мариинск гимназиясында оқуын жалғастырды. Бала кезінен Мезенцева би билеп, бірнеше рет түрлі жарыстарда, атап айтқанда, қазіргі заманғы биден Украина чемпионатында жеңіске жетті. Ол сонымен қатар «Харьков облысының дарынды балалары» сыйлығының иегері.[1]
Мезенцева 2006 жылы Харьков Шығыстану институтының, халықаралық қатынастар факультетіне оқуға түсіп, "Халықаралық қатынастар және қытай тілі" мамандығы бойынша жоғары білім ала бастады. Алайда, келесі жылы ол В.Н.Каразин атындағы Харьков ұлттық университетінің 2-курсына ауысып Халықаралық экономикалық қатынастар факультетінде оқыды. 2011 жылы ағылшын тілінен референт-аудармашы мамандығы бойынша магистратураны үздік бітірді.
2012 жылы Мария Мезенцева Ұлыбританияның Кент университетінде халықаралық қатынастар және халықаралық құқық магистрі дәрежесін алды. 2011 жылдан 2015 жылға дейін төрт жыл бойы Украинаның Жоғарғы Радасында, БҰҰ ПА Еуропарламентінде және Украина-ЕО Іскерлік кеңесінде тағылымдамадан өтті.[2]
Мансабы және бизнес өңдеу
Мезенцева Харьков қаласындағы «Земельный Эксклюзив» ЖШС заңгері болған. Ол бұл қызметті 2008-2010 жылдар аралығында атқарған.
2014-2015 жылдары Мария Брюссельде Еуропалық консерваторлар мен реформаторлар альянсында менеджер болып жұмыс істеді. 2016 жылы ол жеке кәсіпкер ретінде тіркелді. Заңды тұлғалардың, жеке кәсіпкерлердің және қоғамдық бірлестіктердің тізіліміне сәйкес брондау қызметтерін көрсету және онымен байланысты қызметтер болды.
2015 жылы «Самопомощь» партиясынан Харьков қалалық кеңесінің 7-ші шақырылымының депутаты болып сайланды. Қалалық кеңесте Мария халықаралық ынтымақтастық жөніндегі тұрақты комиссияның мүшесі болды.
Төрт жылдан кейін Мария Мезенцева кезектен тыс парламенттік сайлауда жеңімпаз атанды. Ол Харьков қаласындағы №168 округінде жеңіске жетіп, "Слуга народа" партиясынан Жоғарғы Радаға өтті.
Мария Мезенцева Харьков қалалық кеңесінің «Самопомощь» партиясынан депутаты бола отырып, 2019 жылғы кезектен тыс парламенттік сайлауға «Слуги народа» кандидат ретінде қатысты. Мезенцева бұл фактіні қалалық мәслихаттың келесі сессиясы кезінде ғана «Самопомощь» фракциясынан ресми түрде шыға алатынымен түсіндірді.
Мезенцева учаскелік комиссиялардың хаттамаларын санау қорытындысы бойынша 41,51%, яғни 30 377 дауыс жинады. Оның ең жақын қарсыласы Рада депутаты Писаренко 23,74% немесе 17 370 дауыс жинады.
Парламенттің IX шақырылымында Мария Украинаның Еуропалық Одақпен интеграциясы жөніндегі комитет төрағасының орынбасары. Ол Украина заңнамасын ЕО заңнамасына жақындату жөніндегі кіші комитетті басқарады.[3][4][5]
Жанжалдар, қауесеттер, компроматтар өңдеу
2017 жылы Мария Мезенцева Рада-дағы отырыстарға қатыспағандар тізіміне енді. Саясаткер 25-тен астам отырыстықа қатыспаған.
2020 жылы Мезенцеваға карантин кезінде сайлаушыларды сатып алды деген айып тағылды. Ол кезде Мария сайлау округінде медициналық мекемелерге, сондай-ақ зағип жандарға арналған жатақханаларға жеке қорғаныс құралдарын сыйға таратқан болатын.
2020 жылдың қысында Мезенцева жер туралы Заңға қатысты мәлімдемесі мен әжесінің пікірі үшін жанжалға ұласты. Мария жер туралы заңның қабылдануын көптеген адамдар, соның ішінде ауылда тұратын әжесі күтіп тұрғанын атап өтті. Бірақ, белгілі болғандай, депутаттың әжесінің пікірі мүлдем басқаша. Депутаттың әжесінің айтуынша, Мария онымен бұл тақырыпта сөйлеспеген, сонымен қатар, Мезенцева ұзақ уақыт бойы туыстарына ауылға келмеген. Ал заң мен жерге келетін болсақ, саясаткердің туыстарыв оны қолдамайды.[6]
Әуесқойлық, қызықты деректер өңдеу
Мария Мезенцева жастайынан биге әуес болған. Ол қазіргі заманғы биден Украинаның бірнеше дүркін чемпионы.
Мария өзінің Instagram парақшасында күн сайын таңертеңгілік жаттығулар жасайтынын жазады.
Ол пара бермеймін және басқалардың оны беруіне барлық жолдармен кедергі келтіремін деп мәлімдейді.
Ол Харьков «Металлистінің» жанкүйері болды, бірде-бір ойынды жібермеген және ойыншыларды жеке білетін.
Тамақтануда Мария балықты жақсы көреді. Барлық жағдайларда ол алкоголь мен есірткінің қарсыласы. Дегенмен, ол медициналық марихуананы заңдастыруды жақтайды. Декларацияда ол АТО аймағының балаларына ағылшын тілін тегін үйрететінін көрсеткен.[7]
Дереккөздер өңдеу
- ↑ Мария Мезенцева: биография, фото, личная жизнь https://tvoya-biografia.ru/2022/09/14/mariya-mezenczeva-biografiya-foto-lichnaya-zhizn/
- ↑ Мария Мезенцева https://www.dsnews.ua/dosie/mariya-mezenceva-30062021-429091
- ↑ Мезенцева Мария Сергеевна: досье, биография и компромат https://politeka.net/dossier/126-mezenceva-mariya-sergeevna-dose-biografiya-i-kompromat
- ↑ Биография и личная жизнь Марии Мезенцевой, ее карьера и успех политика Источник: https://100biografiy.ru/politika/mariya-mezentseva
- ↑ Мария Мезенцева https://my.ua/persons/mariia-mezentseva
- ↑ Мезенцева Мария Сергеевна Источник: https://comments.ua/dossier/item/person/231-mezenceva-mariya-sergeevna.html © Comments.ua
- ↑ Мезенцева Мария Нардеп, глава делегации Украины в ПАСЕ https://parlament.ua/ru/dossier/mezenczeva-mariya-sergeevna/