Марракеш

Марракеш – Марокконың оңтүстік-батысында Атлас тауының етегінде орналасқан қала.

Көлемі бойынша елдегі үшінші қала. Халық саны 1 036 500 адам (2006 жылғы халық санағы бойынша). Қаланың негізін 1062 жылы Эль-Мурабитин әулетінен шыққан Юсуф ибн Ташфин қалаған. Жүз жыл бойы Альморавидтер мен Альмохадахтар билігі кезінде Астана болған.

1269 жылы Марракеш Маринидтердің қоластына өткенде астана Фес қаласына көшеді. 9 ғасырда араб билігі кезінде салынған қаланың «Медине» бөлігі 1985 жылы ЮНЕСКОНЫҢ Бүкіләлемдік мұралар қорына енгізіліп, №331 нысан болып тіркелген. Қаланың бұл бөлігін «қызыл қала» деп те атайды.