Маршмэллоу

Маршмэллоу (ағылшын тілінде marshmallow) – пастила немесе суфлеге ұқсайтын кондитерлік өнім. Ол қант, жүгері шәрбәті, желатин, глюкозадан тұрады. Аздап бояғыштар мен дәмдеуіштер қосылады. Маршмэллоудың зефирден айырмашылығы құрамында жеміс-жидек езбесі жоқ.

«Marsh mallow» атауының өзі «батпақ құлқайыры» деп аударылады. Құлқайырлар тұқымдасына жататын дәрілік жалбызтікен ағылшынша осылай аталады. Жалбызтікеннің тамырынан жабыспақ желе тәрізді ақ қоймалжың масса алған. Уақыт өте келе жалбызтікеннің орнына желатин мен крахмалды қолданатын болды. Алғаш рет маршмэллоу 1950 жылы АҚШ-та пайда болды.

Маршмэллоудың ұсақ бөліктерін салатқа, түрлі десерттерге, балмұздаққа қосады, онымен торттар мен түрлі пісірмелерді әсемдейді. Ал кішкене бөлшектерін какаоға, ыстық шоколад пен кофеге қосып ішу соңғы кезде жиі қолданылады.

Маршмэллоу арнайы пакеттерде немесе өлшеніп те сатылады. Олардың түстері ақ және түрлі-түсті, формалары үлкен, кішкентай, дөңгелек, төртбұрышты болады.

Дереккөздер

1.https://ru.wikipedia.org/wiki/%D0%9C%D0%B0%D1%80%D1%88%D0%BC%D1%8D%D0%BB%D0%BB%D0%BE%D1%83