Мастаба
Мастаба[1] — ежелгі Мысыр мен Қосөзен аңғарында б.з.б. 3000 — 2500 ж. аралығында салынған көне мазарлар. М. құрылысы алғашқыда адамдарға баспана “жертөле” ретінде (б.з.б. 4500 — 3500 ж.) салынған. Кейіннен шикі кірпіштен, тастан тұрғызыла бастады. Бірте-бірте М. құрылысы күрделеніп бірнеше қабатты, ақсүйектер мен перғауындарға арналған мазар-пирамида немесе зиккурат сияқты көрнекті сәулет құрылысына (баспалдақты Жосер пирамидасы) айналған. Ежелгі М-ның қабырғалары, сырты кірпіштен немесе тастан қаланып, өте ашық түске боялатын болған. Мыс., Саккарадағы әйел патша Хер-Нейт мазары. М-ның ішкі көрінісі жазулармен, бедерлі өрнектермен безендірілген, оған өздері табынатын құдай мүсіндері қойылған. Ә. Төлебиев
Дереккөздер
өңдеу«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VI том
Сілтемелер
өңдеу- ↑ Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8
- ↑ Қазақ Энциклопедиясы
| Бұл мақаланы Уикипедия сапа талаптарына лайықты болуы үшін уикилендіру қажет. |