Матадан жасалған бастырма
Матадан жасалған бастырма немесе Жапсырмалау - киімдерді, матадан жасалған заттарын әшекейлеу тәсілі. Жапсырмалардың дайын үлгілерін сатып алуға да болады. Оларды үтіктің көмегімен жапсырып тігеді немесе желімдейді. Жапсырмалауды үй перделерін, панно, кілем және киімдерді әшекейлегенде пайдаланылады.
Бір қағазға, матаға желімделетін немесе тігілетін жапсырманы жасаймыз. Оны қағаз, мата қиықтарынан жасауға болады. Жапсырмалауға арналған қиықтарды краxмалдаймыз (желатин желімін жаққан жақсы) және үтікпен тегістейміз. Бөлшектерді сурет бойынша қағаздан немесе мата қиықтарынан пішеміз. Содан кейін оларды матаға тігеміз. Матаға немесе қағазға желімдеуге де болады. Жиегін торлап тігеміз. Көзге қомақты көрінуі үшін астына синтепон немесе мақта саламыз.
Балалар киімдеріне арналған жапсырмаларға әр түрлі жемістер мен жануарлар, сандар мен ойыншықтар, геометриялық пішіндерді пайдалануға болады. Жапсырмалау арқылы ұлттық ойындарды, ою-өрнектерді, ертегі кейіпкерлері мен көріністерін жасауға болады. Жапсырмалауға арналған матаны берік әрі әдемі болып көрінуі үшін краxмалдайды. Краxмалданған бұйым тозбайды және кірленбейді.
.jpg)
