Материк етегі

Материк етегі, континент етегі — материк беткейінің негізгі мен мұхит табаны аралығындағы еңіс келген өңір. Геоморфологиялық тұрғыдан материк етегіне материктік беткейден ысырылған шөгінділер шоғырланған, еңкіш келген белесті аккумуляциялық жазық, геологиялық құрылымы жөнінен Жер қабығының материктік және мұхиттық бөліктері жалғасқан жеріндегі терең ойпаң. Ені кейде жүздеген км-ге жетеді. Рельефінде ысырынды конустар, төбелер кездеседі. Материк етегі суының органикалық құрамы материк беткейіне қарағанда әлдеқайда кедей болады.