Махмұт хан
Махмұт хан (1463/1464 - 1508 жылдары өмір сүрген) - Моғолстан ханы (1487 - 1508 жылдары билік құрған). Шағатай әулетінен, Батыс Моғолстанның билеушісі Жүніс ханның үлкен ұлы. Махмұт хан 1487 жылы Ташкентте мұрагерлік жолмен хан тағына отырады. Ол қазақ сарбаздарымен болған екі ұрыста ойсырай жеңіледі. 1500 жылы Махмұт хан Мұхаммед Шайбаниге Бұхара мен Самарқанды жаулап алуға көмектеседі. Бірақ Мұхаммед Шайбани Самарқант тағын иеленіп алған соң, өз қамқоршысына тарпа бас салады. Сөйтіп, 1503 жылы ағайынды Махмұт пен Ахметтің (Алаша хан) әскерін талқандап, екеуін тұтқынға алады. Тұтқыннан босаған соң Ахмет хан қайтыс болады. Оның иелігіндегі Шығыс Моғолстанға Махмұттың үстемдік құрмақ ниеті жүзеге аспайды. Мұхаммед Шайбани Махмұт ханды бес ұлымен бірге алдап шақырып алып, бәрін Ходжент өзенінің суына тұншықтырып өлтіреді.
| Махмұт хан | ||
| Лауазымы | ||
|---|---|---|
| ||
| 1487 — 1508 | ||
| Ізашары | Жүніс хан | |
| Ізбасары | Мансұр хан | |
| Өмірбаяны | ||
| Дүниеге келуі | 1463 | |
| Қайтыс болуы | 1508 | |
| Династия | Шағатайлар | |
| Әкесі | Жүніс хан | |
өңдеу  |
||