Мбунда

Мбунда (амбунда, мамбунда) — Ангола, Конго Демократиялық Республикасы және Замбиядағы банту тобының халқы. Жалпы саны 310 мың адам. Анголада 120 мың, Конго Демократиялық Республикасында 100 мың, Замбияда 90 адам.

Мбунда
амбунда, мамбунда
Бүкіл халықтың саны
310 000
Ең көп таралған аймақтар
Ангола	120000
Конго Демократиялық Республикасы	100000
Замбия	90000
Тілдері
мбунда (чимбунда) тілі
Діні
дәстүрлі сенімдер

Тілі

Олар нигер-кордофан отбасының Бенуэ-Конго тілдер тобының Мбунда (Чимбунда) тілінде сөйлейді.

Діні

Дінге сенушілердің діни наным-сенімдері: дәстүрлі сенімдер.

Кәсібі

Дәстүрлі кәсіптері қолмен атқарылатын егіншілік (тары, құмай, маниок, тәтті картоп, таро, асқабақ, бұршақ дақылдары), мал шаруашылығы (ірі қара және ұсақ мал), аңшылық, балық аулау. Дәстүрлі қолөнерден – кілемше тоқу, ағаш ою (антропоморфтық мүсіншелер, ғұрыптық маскалар) дамыған.

Өмір салты

Негізгі әлеуметтік бірлік үлкен отбасылық қауымдастық болып табылады.

Елді мекендері жинақы орналасқан. Тұрғын үйлері төртбұрышты, қабырғалардың қаңқасы шыбықтармен өріліп, балшықпен сыланған. Төбесі биік, пирамида тәрізді, шөп пен жапырақтардан жасалған. Биік ағаш қадаларда балшықпен сыланған астық қоймалары, қосалқы құрылыстар бар.

Дәстүрлі тағамдары – шелпек, құмай ботқасы, маниок, ет, сүт.