Мезин қонысы - Десна өзенінің оң жағалауындағы Мезин селосында 1908 жылы Ф.К.Волков ашқан кейінгі палеолит қонысы.Бұл қоныста 1909-1961 ж. М.Я.Рудинский, П.П.Ефименко, И.Г.Шовкополяс т.б. зерттеу жұмыстарын жүргізіп, оның мадлен мәдениетінің ерте кезеңіне жататындығын анықтады. Мезин қонысынан үйлердің қалдықтары, кремний мен сүйек өңдейтін орындар, терең ошақтар, жануарлардың сүйектері сақталған қойма т.б. аршылған. 4 мыңнан астам шақпақ тастан істелген түрлі құралдар(қырғыштар,тілгіштер,тескіштер, кішкене үшкір тастар т.б.) табылды. Бұлармен бірге мамонт тісінен жасалған білезіктер, әйелдердің және аңдардың мүсіндері алынды. ==Қазақ Совет энциклопедиясы 7-том 1975 жыл==
