Мейіз Қанышқызы Сәтбаева

Мейіз Қанышқызы Сәтбаева (1931 ж. т.), геолог, геология-минералогия ғылым докторы (1987). Ұлытаудың түлегі . Қазақ кен-металлургия институтын бітірген (1954). 1954-1957 ж. ҚазКСР Түсті металлургия министірлігінің Түлкібас экспедициясында инженер-геолог. 1957-1988 ж. ҚазКСР Геология министірлігінің Оңтүстік Қазақстан экспедициясында инженер-геолог. ҚазКСР ҒА - ның Геология ғылымдар институтында кіші ғылыми қызметкер, ағалық қызметкер 1988 жылдан жетекші ғылыми қызметкер . «Өндірістік мысты құмтас кен орындарының түзілу жағдайлары және минералдық қасиеттері» тақырыбына докторлық диссертация қорғаған. Ғылыми еңбектері мысты құмтасты кендерді зерттеуге арналған. 70- тен астам ғылыми еңбектің, 2 монографияның авторы.