Мейіржан Қақпасынұлы Айманов
Мейіржан Қақпасынұлы Айманов (13 шілде 1976 жыл, Тараз, Жамбыл облысы — 26 тамыз 2021 жыл, Байзақ ауданы, Жамбыл облысы) — қазақстандық өрт сөндіруші, азаматтық қорғау полковнигі, Қазақстанның Халық қаһарманы (2021 жыл, қайтыс болғаннан кейін).
| Мейіржан Қақпасынұлы Айманов | |
| Туған күні | |
|---|---|
| Туған жері | |
| Қайтыс болған күні | |
| Қайтыс болған жері | |
| Азаматтығы | |
| Марапаттары мен сыйлықтары |
|
Өмірбаяны
өңдеу1995 жылдың қыркүйегінен бастап азаматтық қорғау органдарында жұмыс істеді. 1997 жылы Павлодар техникалық колледжін, 2003 жылы Орталық Азия университетін, 2015 жылы Ресей ТЖМ МӨҚ Санкт-Петербург университетін өрт қауіпсіздігі инженері мамандығы бойынша бітірген.
2021 жылы 19 наурызда Жамбыл облысы Төтенше жағдайлар департаменті Өрт сөндіру және авариялық-құтқару жұмыстары қызметі бастығының орынбасары болып тағайындалды.
2021 жылғы 26 тамызда Жамбыл облысы Байзақ ауданындағы әскери бөлімде қоймалардың бірінің жанында өрт шықты. Мейіржан Айманов оқиға орнында өрт сөндіру және эвакуациялық жұмыстарды басқарды. Өрт салдарынан бірнеше жарылыс болды. Бірінші жарылыстан кейін Айманов қалпына келіп, өрттен бірнеше әріптесін шығарып алды. Содан кейін тағы бір жарылыс болды, нәтижесінде полковник қайтыс болды. Қызметтік борышын атқару кезінде көрсеткен батылдығы мен жанқиярлығы үшін Қазақстан Президентінің 2021 жылғы 29 тамыздағы Жарлығымен Мейіржан Аймановқа қайтыс болғаннан кейін айрықша ерекшелік белгісі — "Алтын жұлдыз" және "Отан" ордені тапсырыла отырып, "Халық қаһарманы" атағы берілді.
Марапаттары
өңдеу- "Халық Қаһарманы" құрметті атағы (29 тамыз 2021 жыл, қайтыс болғаннан кейін)[1]
- "Отан" ордені (29 тамыз 2021 жыл, қайтыс болғаннан кейін)
- "Құтқару операцияларына белсенді қатысқаны үшін" төсбелгісі
- "Қазақстан Республикасы Ішкі істер министрлігінің Төтенше жағдайлар комитетіне 20 жыл" мерекелік медалі
- ІІ, ІІІ дәрежелі "Өртке қарсы қызмет органдарындағы мінсіз қызметі үшін" медальдары
- "Төтенше жағдайлардың алдын алу және жоюдағы ерекшелігі үшін" медалі[2]