Мемлекеттік алтын және асыл металдар мұражайы

Мемлекеттік алтын және асыл металдар мұражайы, 1992 ж. құрылған. Қазақстандық қолөнер шеберлерінің туындыларын және көне замандардан жеткен зергерлік бұйымдарды жинап, сақтап және зерттеп, насихаттауды көздейді. Сондай-ақ, республика көлемінде сақталған, археологиялық қазбалардан табылған әр ғасыр қолөнер шеберлерінің бір жерге шоғырландыру; тәуелсіздікке дейін жақын және алыс шет елдерге шығарылған тарихи-мәдени құндылығы зор асыл заттарды Қазақстанға қайтарып, жинақтауға ықпал ету. Зергерлік өнер туындыларын осылайша бір мұражайға шоғырландыру ерте замандардан бері сабақтастығын үзбей келе жатқан өнердің көркемдік, технологиялық әдіс-тәсілдерін, композициялық стилдерін салыстырмалы түрде, әр қырынан зерттеуге мүмкіндік береді. Мемлекеттік алтын және асыл металдар мұражайы 2000 ж. Астана қаласына көшірілді.