Менделеев атындағы көше (Алматы)

Көшеге орыс химигі, педагог, көп саланы зерттеп, зерделеген ғалым, әлемдік химия

ғылымын дамытқан теоретик, химиялық элементтер заңын ашқан дарынды зерттеуші, орыс химия қоғамының негізін салған Дмитрий Иванович Менделеевтің есімі (Алматы қаласы атқару комитетінің 26.12.1962 №453/26 шешімі) берілген. Менделеев Дмитрий Иванович (1834-1907) Тобольск қаласында дүниеге келген. Оның 500 баспа еңбегі бар. Көше Медеу ауданында орналасқан. Волочаев көшесінен басталып, Сабыр Шәріпов көшесіне дейінгі аралықта созылып жатыр. Тәтібеков, Қабылов, Чаплин көшелерін қиып өтеді. Бұрынғы атауы - Московская көшесі. Көшенің ұзындығы - 1050 метр.