Метилметакрилат
Метилметакрилат — метакрил қышқылының метил эфирі CH2=C(CH3)-COOCH3; түссіз сұйық, қайнау t 101º С, тығыздығы 0,936 г/см3 (20º С-та), суда ерігіштігі 30º С -та 1,5% (масса бойынша), спиртте, этил эфирінде жақсы ериді, тұтану t 10º C. Ол гидролизденіп метакрил қышқылын түзеді. Метилметакрилат бос радикалдар әсерімен полимерленетін мономер. Оны синтездеу үшін қанбаған қышқылдардың эфирлерін алудың жалпы әдістері қолданылады. Өнеркәсіпте ацетон мен көгерткіш қышқылды әрекеттестіру арқылы алынады. Метилметакрилат сақтау үшін стабилизатор қолданылады.
