Микель құйығы

Микель құйығы
	;
Ғылыми топтастыруы
Дүниесі:	Өсімдіктер;
(unranked)	Дара жарнақтылар;
(unranked)	Commelinids;
Сабы:	Poales;
Тұқымдасы:	Cyperaceae;
Кіші тұқымдасы:	Cyperoideae;
Тайпасы:	Cypereae;
Тегі:	Cyperus';
Түрі:	C. michelianus;
Екі-есімді атауы
	Cyperus michelianus; (L.) Delile

Микель құйығы^[1] (лат. Cyperus michelianus) – қияқөлеңдер тұқымдасының құйық туысына жататын өсімдік.

Ботаникалық сипаты өңдеу

Биіктігі 3-15 см, тамыры жіңішке, көп шашақты.
Сабағы қалың бұтақты, үш қырлы.
Жапырағы жіңішке таспа тәрізді, тегіс, төменгі қынабы қара қошқыл түсті.
Гүлшоғыры - тығыз орналасқан шар немесе жұмыртқа тәрізді шоғырбас. 3-7 гүл жапырағының ұзындығы 2,5-3,5 мм, 10-20 гүл топтасқан. Қабыршағы жасыл, кейіннен қызыл сары түске енеді, жіңішке жасыл жолағы бар. Гүлсерігінің қылтаны жоқ. Аталығы 2, сирек 1-3, аналығы 2.
Жаңғағының ұзындығы 1 мм, сопақшы жұмыртқа тәрізді, бір жағы дөңес, келесі жағы тегіс келген жылтыр. Шілде-тамыз айларында гүлдейді.

Қазақстанда Ертіс және Каспий маңында кездеседі. Өзен және көлдердің батпақты және құмды жағалауларында өседі.

↑ Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5