Михаил Исакович Рубинштейн

Михаил Исакович Рубинштейн (29.5.1919 ж.т., Татарстан, Қазан қ.) – а. ш. ғыл. докт. (1977), проф. (1979). 2-дүниежүз. соғысқа қатысқан. Қазан мемл. ун-тін бітірген (1941). Қазақ егіншілік ғыл.-зерт. ин-тында топырақтанушы (1945–48), кіші, аға ғыл. қызметкер, бөлім меңгерушісі (1948–85); 1985 жылдан Қазақстан ғылым академиясының Топырақтану ин-тында жетекші ғыл. қызметкер болып жұмыс істеді. 1974 ж. «Водный режим предгорных пустынно-степных почв казахстанской части Тянь-Шаня и пути его регулирования» деген тақырыпта докт. дисс. қорғаған. Оның негізгі ғыл. еңбектері топырақтану мәселелеріне арналған. Ол қуаң жер топырағындағы ылғал мөлшерінің өзгеру ерекшеліктерін, топырақ өңдеу тәсілдерінің режиміне тигізетін әсерін зерттеп, топырақ ылғалдылығын сақтау жөнінде ұсыныстар жасады. 209 ғыл. жарияланымның, оның ішінде 3 монографияның авторы.