Михалон Литвин

Михалон Литвин (лат. Michalon Lituanus, туған, өлген жылдары белгісіз) – 1550 жылы жазылған «Татарлардың, литвандықтардың және москвалықтардың әдет-ғұрыптары туралы» шығарманың авторы. Бізге үзінділері жеткен, 1615 жылы Базельде басылып шыққан. Өзін Михалон Литвин деп атап отырған автор шынында Михайло Тишкевич болса керек деген жорамал бар. Литван дворяны Тишкевич 1537 жылы Қырымға елшілікке жіберілген, 2 жылдан аса сол жақта кідіртілген адам болатын. Михалон Литвин шығармасының мақсаты – Литва қоғамының моралін түзету. Михалон Литвиннің Қырым татарларының тұрмыс-салты, шаруашылығы және Қырымдағы құл иеленушілік пен құл саудасының жайлы туралы деректері өте бағалы.